Ekonomia -

EB-REN LAGUNTZAK

Dirulaguntzak jasotzeko Bruselaren baldintza Espainiari: pentsioa kalkulatzeko kotizazio-epea luzatzea

Pandemiak eragindako krisiari aurre egiteko dirulaguntzak jaso ahal izateko baldintzak adostu dituzte Espainiako Gobernuak eta Europako Batzordeak.

Jose Luis Escriva Gizarte Segurantzako ministroa. Artxiboko argazkia: EFE
Jose Luis Escriva Gizarte Segurantzako ministroa. Artxiboko argazkia: EFE
Jose Luis Escriva Gizarte Segurantzako ministroa. Artxiboko argazkia: EFE

AGENTZIAK | EITB MEDIA

Whatsapp Facebook Twitter Telegram Email

Espainiako Gobernuak eta Europako Batzordeak asteazken honetan sinatu dute pandemiak eragindako krisiari aurre egiteko Europar Batasuneko dirulaguntzak jaso ahal izateko baldintzak biltzen dituen dokumentua.

Udan, 9.036 milioi euro jaso zituen premiazko laguntza moduan, eta orain, beste 10.000 milioi euro eskatu ahal izango ditu.  

Alabaina, dirulaguntza hori jaso ahal izateko, hainbat erreforma gauzatu beharko ditu 2021eko lehen seihilekoan, tartean pentsioena, eta Bruselak ondoko baldintza ezarri dio Espainiako Gobernuari: pentsioen zenbatekoa kalkulatzeko erabiltzen den lan egindako urteen kopurua luzatzea.

Duela urtebeteko zabaldutako zirriborro baten arabera, epe hori 25 urtetik 35era luzatzeko aukera aztertzen ari zen Espainiako Gobernua. Polemika handia sortu zen, eta azkenean ez zuten kopururik zehaztu.  

Oraingoz, Gizarte Segurantzaren Ministerioak ez du baldintza honen inguruko argibiderik eman.

 

Hau zure interesekoa bada, baliteke beste gai hauek ere izatea
Krisi ekonomikoa Europar Batasuna Brusela Espainiako Gobernua Ekonomia Eguneko albisteak Albisteak Pentsioak