Sindikatuak eta Metroko zuzendaritza bat etorri dira puntu batzuetan

Metro Bilbaoko greba batzordea eta zuzendaritza asteazken honetan berriro ere bildu dira eta bat etorri dira puntu batzuetan, datozen bileretan sendotuko dituzten asmoz, ohar batean jakitera eman dutenez.

Datozen egunetarako bilerak aurreikusi dituzte, lehenengoa hilaren 7an izango da, sindikatuek azaldu dutenez. Bi aldeek zuhurtziaz jokatzeko konpromisoa berretsi dute, adierazpen publikoek bi jarrerak gerturatzeko aukera ez oztopatzeko helburuz, horregatik oharraren berri Lan Harremanen kontseiluak eman du, paragrafo batean.

Bi aldeek prozesu negoziatzaile hau dagoeneko "berri on" bat dela azaldu dute. Gaurkoa sindikatuen eta Metro Bilbaoko zuzendaritzaren artean izandako hirugarren bilera izan da azkeneko zazpi egunotan. Lehenengo astea ere bada duela hilabete bat geroztik sindikatuek ez dutela greba deialdirik egiten.