Ekonomia -
LAN GATAZKA
BetiOn telelaguntza zerbitzuko langileek grebara deitu dute beste hilabete batez
Plantillak lan-hitzarmenaren negoziazioak desblokeatzea eskatu du. Bi hilabete jarraian egongo da enpresa greban, izan ere, uztailean zehar, lanuzteak egin dituzte.
AGENTZIAK | EITB MEDIA
BetiOneko plantillak grebara deitu du beste hilabete batez lan-hitzarmenaren negoziazioak desblokeatze aldera. BetiOn Eusko Jaurlaritzak eskaintzen duen telelaguntza zerbitzua da, adineko jendeari zuzendutakoa.
ELA eta LAB sindikatuek azaldu dutenez, langileek lan-hitzarmena erabakita utzi nahi dute Eusko Jaurlaritzak zerbitzua beste enpresa bati esleitu baino lehen.
Halaber, plantillak eskatzen du hitzarmenaren negoziazioetan Ilunion eta Ibermatica enpresek eta Eusko Jaurlaritzak lan bateratua egitea.
Dagoeneko BetiOneko langileak greban daude uztailean zehar, eta hitzarmen "duin" bat aldarrikatzen ari dira.
