Ekonomia -
Krisia Espainian
Espainiako Gobernua Washingtonera joango da gaur, babes bila
Soraya Saenz de Santamaria AEBetako Altxor idazkariarekin eta NDFko zuzendariarekin batzartuko da.
Erredakzioa
Soraya Saenz de Santamaria Espainiako Gobernuko presidenteordea Washingtonera joango da gaur, Timothy Geithner AEBetako Altxor idazkariarekin eta Christine Lagarde Nazioarteko Diru Funtseko (NDF) zuzendariarekin batzartzeko.
Horrela, Mariano Rajoyren Exekutiboa babesak biltzen saiatuko da, merkatuak Espainia zigortzen ari diren honetan.
Lehen bilera Lagarderekin egingo du, 14:30ean (20:30ak Euskadin), eta ondoren Geithnerrekin izango da, 16:30ean (22:30).
AEBetara egingo duen lehen bidaia ofiziala izango da, eta Gobernuak abiatutako murrizketak eta erreformak azaltzeko aprobetxatuko du.
Apirilean, Geithner eta Lagarde Luis de Guindos Ekonomia ministroarekin batzartu ziren, NDFren udaberriko bileren baitan.
Urte hasieran, gainera, Geithner Mariano Rajoy Espainiako Gobernuko presidentearekin bildu zen.
Duela aste batzuk, NDFko zuzendariak esan zuen Rajoyk abiatutako erreformak "txalotzeko modukoak" direla, baina "hazkundea ez itotzen" saiatu behar dela.
NDFren kalkuluen arabera, Espainiako ekonomia % 1,8 jaitsiko da aurten, baina % 0,1 haziko da 2013an.
Soraya Saenz de Santamaria Espainiako Gobernuko presidenteordea Washingtonera joango da gaur, Timothy Geithner AEBetako Altxor idazkariarekin eta Christine Lagarde Nazioarteko Diru Funtseko (NDF) zuzendariarekin batzartzeko.Horrela, Mariano Rajoyren Exekutiboa babesak biltzen saiatuko da, merkatuak Espainia zigortzen ari diren honetan.Lehen bilera Lagarderekin egingo du, 14:30ean (20:30ak Euskadin), eta ondoren Geithnerrekin izango da, 16:30ean (22:30).AEBetara egingo duen lehen bidaia ofiziala izango da, eta Gobernuak abiatutako murrizketak eta erreformak azaltzeko aprobetxatuko du.Apirilean, Geithner eta Lagarde Luis de Guindos Ekonomia ministroarekin batzartu ziren, NDFren udaberriko bileren baitan.Urte hasieran, gainera, Geithner Mariano Rajoy Espainiako Gobernuko presidentearekin bildu zen.Duela aste batzuk, NDFko zuzendariak esan zuen Rajoyk abiatutako erreformak "txalotzeko modukoak" direla, baina "hazkundea ez itotzen" saiatu behar dela.NDFren kalkuluen arabera, Espainiako ekonomia % 1,8 jaitsiko da aurten, baina % 0,1 haziko da 2013an.
