Gobernua: 'Espainiak esku-hartzea saihestu du eta aurrera egingo du'

"Espainiak esku-hartzea saihestu du eta aurrera egingo du", esan du Soraya Saenz de Santamaria Gobernuko presidenteordeak. Aurrerakada hori bultzatzeko, Gobernuak erreforma estrukturalak egiteko plana sortu du, desorekak zuzendu eta zorra pairatzen ari den presioa arintzeko.

"Esku-hartzea saihestuta, espainiarroi inork ez digu esango zer egin behar dugun", azpimarratu du Saenz de Santamariak Ministroen Kontseiluaren ostean emandako prentsaurrekoan. Horrez gain, bankuen erreskateak ez dituela baldintza makroekonomikorik ekarriko berretsi du, baldintzok finantzen esparruari bakarrik eragingo diote.

Presidenteordearen arabera, "Espainia aurrera aterako da", nahiz eta herriak zailtasun asko izan, eta egungo egoera 1996koarekin parekatu du, orduan ahalegin ekonomiko handia egin behar izan zuen Espainiak euroan sartzeko.

Lurreko garraioen berrantolaketaMinistroen Kontseiluak Lurreko Garraioen Antolaketarako Legearen aurreproiektua onartu du (LOTT), "Espainiako ekonomian klabea den sektorea"ri lehiakortasun, eraginkortasun, malgutasun eta gardentasun handiagoa emateko.

Lege berriak gaien zein pertsonen garraioari eragiten dio, eta lurreko garraioan aritzeko beharrezko baimenak zortzitik bakarrera murriztu ditu.