Zergatik ez dago emakumerik eraikuntzan?

Emakumeak eraikuntzan ez egoteari buruzko azterlan batek agerian uzten ditu obrako lanari lotutako uste faltsuak eta oztopoak. Eraikuntzarena lan-merkatuko sektorerik maskulinizatuena da.

Ikerketa Ane Alonso arkitekto bilbotarrak egin du eta "Mujeres a pie de obra" izenburua dauka; sektoreko hainbat emakumeren testigantzez hornitzen da, egungo egoera ezagutzeko eta emakumeen gabezia hori eragiten duten arrazoiak ikertzeko. Azterlana Emakunderen argitalpen-lehiaketaren irabazlea izan da.

Gaur egun, eraikuntza eta, bereziki, obrako lanak dira sektorerik maskulinizatuena, non gizonen eta emakumeen presentzia orekatuagoa izateko bilakaera edo joera txikiena hautematen den.

Gaur egun ere, emakumeak eraikuntzan egoteak nahasmena sortzen du, eta horrek, sarritan, erresistentziak, onarpenik eza, zalantzan jartzea, deskalifikazioak, eta, kasurik txarrenean, jazarpena ekar ditzake.

 

Azterlanak ondorioztatzen du beharrezkoa dela irudia eta inertziak nabarmen aldatzea, eraikuntzan emakumeak erakartzeko eta atxikitzeko, sektore horrek eskulan arazo larria baitu.

Era berean, azterlanak dio emakumeak obran sar daitezen errazteak estereotipoak desmuntatzen lagunduko lukeela, eta, horrela, generoaren araberako joerarik gabeko lan-merkatuaren alde lan egiten eta apustu sendoa egiten, lan-segregazioa murrizten eta gizarte bidezkoago eta berdinzaleago baten alde egiten.