Euskadiko Kutxako eta Ipar Kutxako batzarrek bat-egitea onartu dute

Gasteizen eta Bilbon bildutako Euskadiko Kutxako eta Ipar Kutxako batzarrek bat-egitea onartu dute larunbat honetan. Horrela, bi kutxak kreditu kooperatiba bakarra bihurtuko dira.

Egun Euskadiko Kutxako presidentea den Txomin Garcia izendatu dute finantza-erakunde honen presidente. Kooperatiba berri hau Euskadiko bigarren finantza-erakunde bihurtuko da: 25.000 milioi euro kudeatuko ditu, eta milioi bat bezerotik gora izango ditu.

Ekonomia sozialeko finantza-erakunde berriak merkatuei finantza eta aseguru zerbitzuak eskaintzea izango ditu helburu, baina "egungo finantza-sisteman eman den bankarizazio prozesuaren ordezko eredu batean oinarrituta".

Halaber, bi kutxek jakitera eman dutenez, "industria alorretan erakundeak duen partehartzea mantenduko dugu, bi kutxek duten ezagutza aprobetxatuz".