Ekonomia -
KPI
Euskadi, inflazioaren eragin txikiena izan duten erkidegoen artean 2022an, % 7,3koa izan baitu
Pandemiarekin hasitako eta Ukrainako gerraren ondorio ekonomikoek larriagotutako inflazio prozesuaren ondoren, % 7,39koa izan zen EAEn.
Agentziak | EITB Media
Euskadi prezioen igoeraren eragin txikiena izan duten autonomia erkidegoen artean kokatu zen iaz, % 7,39ko inflazioarekin, Funcas analisi zentroak egindako ikerketa baten arabera.
Pandemiaren ostean 2021ean hasitako prozesu inflazionistak, Ukrainako gerraren ondorio ekonomikoengatik 2022an larriagotu zenak, "ahalmen ekonomiko txikiagoa duten familiei eta landa eremuetan daudenei kalte handiagoa egin die", ikerketa horren arabera.
Taula horretan azaltzen denez, Euskal Autonomia Erkidegoa da errentarik handiena duen erkidegoa, Nafarroaren eta Madrilen aurretik.
Artikulu horren arabera, inflazioak gehien kaltetutako gastu taldeek (elikagaiak, energia, erregaiak, ostalaritza eta jatetxeak) etxe bakoitzean duten pisu desberdinari zor zaio eragin desberdin hori; errenta mailak gora egin ahala, pisu beherakorra dute.
Era berean, eskualde kaltetuenak Gaztela-Mantxa, Gaztela eta Leon, Extremadura, Galizia, Errioxa eta Aragoi izan dira, despopulazioak eragindako zonaldeak.