Ekonomia -
Lan istripua
Langile bat hil da Arrasaten, AHTren lanetan
Gertaera ostegun honetan izan da, Arrasateko Gesalibar auzoan euskal "Y"-aren obrak egiten ari diren lekuan.
Erredakzioa
Langile bat hil da Arrasaten (Gipuzkoa), Abiadura Handiko Trenaren lanetan lan-istripu bat izanda, Herrizaingo Sailak jakitera eman duenez. Gertaera 15:45ean izan da, Arrasateko Gesalibar auzoan euskal "Y"-aren obrak egiten ari diren lekuan. Zehazki, Atxetarri tunelaren iparraldeko sarreran izan da ezbeharra, Aramaio-Arrasate tartean egiten ari diren lanetan. 55 urteko biktimari hormigoizko pieza bat erori zaio gainera, Herrizaingo Sailetik azaldu dutenez. Oraindik ez dituzte argitu ezbeharraren arrazoiak.
