Ekonomia -
Aldarrikapena egiteko ekintza
Zenbait ertzainek protesta egin dute Patxi Lopezen blogean
Erne, ELA, Esan, Sipe, Euspel eta CCOO sindikatuak izan dira ekimenaren bultzatzaileak, eta agenteek 500 mezu inguru utzi dituzte lehendakariaren azken post-ean.
Erredakzioa
Ertzaintzaren zenbait agentek gogor erantzun diote sindikatuek Patxi Lopezen murrizketen kontra bultzatu duten ekimenaren deialdiari, lehendakariaren blogean 500 mezu inguru sartuta.
Ertzaintzaren baitan agenteak ordezkatzen dituzten sindikatuek (Erne, Esan, Sipe, Euspel eta CCOO) sustatutako protesta ostiralean hasi eta gaur, igandea, bukatuko da. Protestaren helburua lehendakariaren blogean sartu eta mezuak bidaltzea da; horrela, Eusko Jaurlaritzak iazko amaieran onartutako murrizketen eta euskal Poliziaren leku aldatzeen kontra daudela adierazi nahi dute.
Igandeko 11:30 arte, hainbat ertzainek 500 mezu inguru sartu dituzte blogean, honako testuarekin: "Lehendakari jauna: murrizketarik ez. Ez Ertzaintzan ez inon. Ertzaintza borrokan". Mezuak euskaraz nahiz gazteleraz sartzen ari dira.
Mezuok "iruzkinak" atalean sartu dituzte, Patxi Lopezek blogean sartutako azkeneko postean, abuztuaren 9koa, eta "Argi daitezen" tituluarekin.
Aipatutako postean, Patxi Lopezek EAJren kritiken kontra egiten du, laztasuna eta hazkundea, eredu soziala mantenduta, sistema inobatzaile eta lehiakor batekin baliokideak egiteko formulak defendatuz.
