Ekonomia -
Lan Erregulazio Txostena
Formicak 169 langileren kaleratzeak gauzatzea erabaki du
205 langile dituen enpresak horietako 169 kaleratuko dituela komunikatu zien langileen ordezkariei. Bitartean, enpresa-batzordeak aurkeztutako plana baztertu egin du.
Erredakzioa
Irailean aurkeztutako Lan Erregulazio Txostenaren kontsulta epea bukatu ostean, Formica enpresak Galdakaoko lantegiko 169 langile kanporatzea erabaki du. ELA sindikatuak azaldu duenez.
Lan Erregulazio Txostenentzat araututako legeak eskatzen duen bezala, joan den irailaren 10ean langileek eta enpresa zuzendaritzak batzar bat egin zuten, eta enpresa-batzordearen ustez, zuzendaritzak langileen eskakizunei kasu egitea baztertu zuen. Langileek Erregulazio Txostena kentzea eta Galdakaoko lantegian lan egiten dutenen lanpostuak bermatuko dituen industria-plan bat egitea eskatu zioten zuzendaritzari.
205 langile dituen enpresak horietako 169 kaleratuko dituela komunikatu zien langileen ordezkariei. ELA sindikatuaren ustez, “epe honetan zehar argi geratu da ez dagoela ez arrazoi ekonomiko ezta produktiborik eskualdeko eragile ekonomikorik handienetarikoa izan den enpresa baten produkzio-jarduera bat guztiz eteteko.
Enpresa-batzordearen gaitzezpena
Zentzu horretan, irailaren 10ean burutu zen azken batzarrak lehenago egin direnen antzeko eskema izan zuela kritikatu dute langileek, “zuzendaritzak ez baitu onartu langileen eskaera eta langileak erosten saiatu da, horiek beren eskubideak alde batera utzi eta kalte-ordain handiagoak onartu ditzaten”.
