Onik erreskatatu dituzte Karrantzako mendietan galdutako 3 mendizale

Karrantzako mendietan galdu ziren hiru mendizale erreskatatu zituen Ertzaintzak atzo, eta onik zeuden, Segurtasun Sailak jakitera eman duenez.

Aipatu iturrien arabera, mendizaleak Bilboko, Burgoseko eta Santanderreko hiru gizonezko ziren, 33 eta 22 urte artekoak. Pozalagua inguruan zegoen behe-lainoaren ondorioz, galdu egin ziren Karlista tontorretik behera zihoazenean, eta abisua eman zioten Ertzaintzari, 21:20 aldera.

Ertzaintzak bilaketa-lanak abiatu zituen berehala eta arazo handirik gabe aurkitu omen zituzten mendizaleak, onik.