Gizartea -
Larrialdi deiak
'Ahal duzuen moduan atera beharko duzue. Ezin gara bertara sartu'
Madril Arenako bi biktimen lagunek larrialdi zerbitzuetara egindako deien grabaketak argitaratu dituzte. Horietako batean Madril Arenara sartu ezin direla esaten die Samurrek.
Erredakzioa
Madrid Arenako tragedian hil ziren nesken lagunek laguntza eske larrialdi zerbitzuetara egindako telefono deien grabaketak kaleratu dituzte ostegun honetan.
Biktimetako bat ahal duten moduan Madril Arenatik eurek atera dezatela esaten die grabazio horretan deia jaso duen Samurreko langileak neska gaztearen lagun bati. Halaber, deiei sinesgarritasun gutxi eman eta edan ote duen ere galdetzen dio.
Grabazioak argitaratu ostean, Samurreko langileak azaldu du ez dela bere lana deiak hartzea. Bere betebeharra anbulantziak gidatzea dela esan du, eta hitz egiteko erraztasunik ez duela ere gaineratu du.
Madrid Arenako Halloween festako jende-oldearen ondorioz bost neska hil ziren.
