Gizartea -
Nafarroa
Bi lagun ibilgailuan harrapatuta Ororbian, istripu baten ondorioz
Beste hiru lagun erietxera eraman dituzte. NA-700 errepidean izan da zirkulazio istripua, eta moztuta dago, bi noranzkoan.
Erredakzioa
Bi lagun ibilgailuan harrapatuta geratu dira eta beste hiru erietxera igorri dituzte, Ororbian, Nafarroan, izan den zirkulazio istripu baten ondorioz, Nafarroako Gobernuak jakitera eman duenez.
Ezbeharra 14:37ean izan da, NA-700 errepidean, eta moztuta dago, bi noranzkoan. Suhiltzaileak eta Foru Polizia bertaratu egin dira.
Lau zauritu, bat larri, Sarasan, mikrobus batek istripua izan ondoren
Bestalde, lau pertsona zauritu dira, bat larri, astelehen honetan Saransan (Nafarroan) izan den zirkulazio istripuan, mikrobus batean zihoazela. AP-15 errepidean izan da ezbeharra, ibilgailua irauli ondoren, Nafarroako Gobernuak jakitera eman duenez.
Larri dagoen zauritua mikrobusean harrapatuta geratu da, eta, bertatik atera ondoren Nafarroako Ospitalera igorri dute, beste hiru zaurituekin batera.
Istripua 10:45ean izan da.
