Gizartea -
Larraia (Zizur)
Emakume bat eta ume bat hil dira Nafarroan, bi autok elkar jota
Zirkulazio istripuan, gainera, hiru pertsona zauritu dira; horietako bi, adingabeak.
Erredakzioa
Bi pertsona hil dira eta beste hiru zauritu gaur goizean Nafarroan, Larraian (Zizur) jazotako zirkulazio istripu batean.
Foru Gobernuak azaldu duenez, ezbeharra 08:25ean gertatu da. Ordu horretan, bi autok elkar jo dute, baina oraindik ez dago argi zer dela eta.
Ibilgailuetako batean emakume bat eta bi iloba zihoazen. Emakumezkoa eta 10 urteko neskatila bat hil egin dira, eta azken horren neba larri zauritu da. Hirurak Etxaurikoak dira.
Beste ibilgailuan heldu bat eta adingabe bat zihoazen. Biak Ubanikoak dira eta zauritu egin dira.
