Gizartea -
Denboralea Ipar Euskal Herrian
IPARRALDE: Errobi eta Aturri ibaiek gainezka egin dute Baionan
Nolanahi ere, ez da arazo larririk izan eta egoera bere onera bueltatu da. Bestalde, Ipar Euskal Herriko hainbat herritan argindarrik gabe egon dira bart.
Erredakzioa
Errobi eta Aturri ibaiek gainezka egin dute gaur goizean Baionan. Itsasgoraren ondorioz, goizeko 06:00etan normalean baino 30 zentimetro gorago iritsi da ura.
Hori izan da unerik arriskutsuena, baina zorionez arazo larririk ez da izan eta poliki-poliki berera itzuli da ibaia.
Halere, alerta laranjan jarraitzen dute Baionan, haize ufada bortitzak eta kostaldean olatu handiak espero baitira.
Gainera, denboralearen eraginez, Ipar Euskal Herriko hainbat etxetan argindarrik gabe geratu dira bart.
