Gizonezko batek ustez bikotekidea hil du, Tenerifen

Gizon batek ustez 35 urteko bikotekidea hil du gaur Santa Cruz Tenerifekoan. 42 urteko ustezko erasotzaileak bere burua entregatu du eta atxilotuta dago.

Hilketa 07:00ak inguruan gertatu da, Tenerifeko hiriburuko Gladiolos auzoan.

Bizilagunen kontakizunaren arabera, gizonezkoak igogailuan egin dio eraso bikotekideari, eta horien bi semeak hilketaren lekuko izan dira. Antza denez, arma zuri batek eragindako zaurien ondorioz hil da emakumezkoa.

2013an, genero indarkeriaren ondorioz, Kanariar uharteetan hil den lehenengo emakumezkoa da.

Biktimak artatzeko telefonoa: 016