Euskadiko 19 neska-mutil erreskatatu dituzte Errioxan

Montemedianoko (Errioxa) kanpamentuan zeuden Euskadiko 19 haur eta bi monitore erreskatatu behar izan dituzte, ekaitz batek eta tenperaturaren bat-bateko beherakadak ustekabean harrapatu eta gero. Ez dute osasun-laguntzarik jaso behar izan, SOS Errioxak bere webgunean jakinarazi duenez.

19 neska-mutil horiek eta bi monitoreak ibilbide bat egiten hasi ziren atzo, eta gaua kanpamentu nagusitik kanpo igarotzeko asmoa zuten,  baina ekaitz batek eta tenperatura bat-batean jaisteak kanpamentu nagusira bueltatzeko beharra ekarri zien.

Larrialdietarako zerbitzuen arabera, monitoreetako batek kanpamentu nagusira bueltatzeko sostengu logistikoa eskatu zuen atzo, 19:30ean.

SOS Errioxak Guardia Zibila abisatu zuen, eta azken horrek gaztea taldea aurkitu zuen Ortigosa de Cameros eta Villoslada de Cameros herriak lotzen dituen baso bide batean.