Gizartea -
Emakumeen aurkako indarkeria
Gizon bat atxilotu dute urruntze-agindua izanda emazteari jotzeagatik
38 urteko gizonezkoa emakumearen etxebizitzara sartu zen Bilboko San Frantzisko auzoan.
Erredakzioa
Ertzaintzak 38 urteko gizonezko bat atxilotu du Bilbon, urruntze-agindua urratu eta bikotekide ohiari eraso egitea leporatuta, Eusko Jaurlaritzaren Segurtasun Sailak jakitera eman duenez.
Atzo gertatu zen erasoa. Emakumeak Ertzaintzari deitu zion abisua emateko. Gizonak ezin zuen emakumearengana gerturatu, uztailean izandako beste indarkeria kasu batengatik.
Ertzaintzak azaldu duenez, gizona etxeko giltzak erabilita sartu zen emakumearen etxebizitzan, baina indarrez ireki zuen emakumearen logelako atea.
Bertan, gizonak emakumea indartsu heldu eta bultzatu zuen, eta mehatxu egin zion.
Ertzaintza gizona bilatzeko lanean hasi zen abisua jaso eta berehala. Ordu gutxira aurkitu zuen San Frantzisko kalean, eta atxilotuta eraman zuten epailearen agindua ez betetzea eta emakumeen kontrako indarkeria leporatuta.
