Gizon bat atxilotu dute adingabe bati sexu-gehiegikeriak egiteagatik

34 urteko gizonezko bat kartzelatu dute, Irunen adingabe bati hainbat urtez etengabeko sexu-gehiegikeriak egitea leporatuta, Segurtasun Sailak jakitera eman duenez.

Aipatu iturriek azaldu dutenez, biktima erasotzailearen bikotekidearen alaba zen, eta erasoak "txikitatik" pairatzen zituen.

Hasieran indarrez egiten omen zizkion sexu-gehiegikeriak, baina gero mehatxuen bitartez lortzen zuen adingabeari eraso egitea; izan ere, sexu-harremanen grabazioak Internetez zabalduko zituela mehatxu egiten zion neskatoari.

Astelehen gauean atxilotu zuten gizona, eta izapide guztiak bete eta epailearen esku utzi ostean, Martuteneko kartzelan sartu zuten.