Gizartea -
Urumea ertzeko txabolak
Arazoak konponbide adostu bat eskatzen duela dio Hernaniko Udalak
Luis Intxauspe alkateak Euskadi Irratiari esan dio, oraingoz behintzat, ez dutela inguru hori husteko erabakirik hartuko, arazoak erakundeen aldetik irtenbide osoagoa eskatzen duelako.
Erredakzioa
Urumea ibaiaren ibarrean, Hernani eta Astigarraga artean, errumaniarrentzat eraikitzen ari diren etxebizitzak geldiarazteko oharra plazaratu du, asteon, Uraren Euskal Agentziak. Gaur, pauso bat gehiago eman du, eta etxebizitzak egiten ari diren lurren jabearen kontra ‘zehapen-espedientea’ irekiko dutela zehaztu du.
Gaur egun 150 pertsona, gehienak errumaniarrak, bizi dira Urumea ondoko txabola eta eraikin horietan. Hori dela eta, Luis Intxauspe Hernaniko alkateak, zonalde horretan dagoen errealitatea mahai baten inguruan eseri eta konpondu beharra dagoela azpimarratu du.
Hernaniko alkateak gogora ekarri du Gipuzkoako Foru Aldundia, Astigarraga eta Hernaniko Udalekin batera, Urumea ibai-ertzean bizi diren errumaniarren integrazioa lantzen ari dela.
