Gizartea -
Emakumeen Kontrako Indarkeria
Gizon bat atxilotu dute Bilbon, bikotekide ohia jotzeagatik
Ertzaintzak 01:45 aldera jaso du abisua, gizon bat emakume bat jotzen ari zela ohartaraziz. Jasotako kolpeen ondorioz, emakumea lurrera erori da.
Erredakzioa
40 urteko gizonezko bat atxilotu du bart Ertzaintzak, Bilbon, bere bikote ohia kolpatzeagatik. Mariaren Bihotza plazan izan da erasoa, gaur goizaldean.
Ertzaintzak 01:45 aldera jaso du abisua, gizon bat emakume bat jotzen ari zela ohartaraziz. Hainbat agente esandako lekura joan direnean, gizonak emandako kolpeen ondorioz, emakumea lurrean zegoen. Tokian bertan atxilotu dute erasotzailea, emakumeen kontrako indarkeria delitua egotzita.
Erlazionatutako edukiak
Hau zure interesekoa bada, baliteke beste gai hauek ere izatea