Gizartea -
Gertaera
Bilboko tabernari bat tiroz jo eta larri zauritu dute
Gertaera Biarritz kaleko taberna batean izan da, Errekalde auzoan, 12:30ean. Biktima Gurutzetako Ospitalera eraman dute eta bertan premiazko ebakuntza egin diote.
Erredakzioa
Gizonezko batek zauri larriak izan ditu Bilboko taberna batean izandako tiroketan. Gertaera 12:30ak aldera gertatu da, gizon bat Biarritz kaleko tabernara sartu eta jabeari tiro egin dionean.
Biktima Gurutzetako Ospitalera eraman dute, zauri larriak dituela. Tiroak gorputzaren albo batean jo dio.
Lehen ikerketen arabera, Ertzaintzak kontu-garbitze batekin lotutako gertaera dela uste du. Tiratzailea ez dute atxilotu oraindik.