560 milioi euro jokoan, abian den Erregeetako loteriaren zozketan

Gabonetako Loteria tokatu ez zitzaienek zortearekin jolasteko aukera berri bat izango dute gaur, Erregeetako loteriaren zozketarekin. Aurten, 560 milioi euro banatuko ditu saritan, Gabonei amaiera hobezina.

12:00etan, Estatuko Loteria eta Apustuen zozketen aretoan hasi da zozketa, eta ordu erdi baino ez du iraungo.

100.000 txarteleko 40 serie jaulki dira zozketa horretarako, bakoitza 200 euroren truke. 20 euroko dezimotan banatu dira txartelak, eta guztira, 800 milioi euro jaulki dira. Horren % 70, 560 milioi, zehazki, saritan banatuko dira.

Zozketa horretako saririk garrantzitsuenak serie bakoitzeko bi milioi banatuko dituen lehen saria (200.000 euro dezimoko), 750.000 euroko bigarren saria (75.000 euro dezimoko) eta 250.000 euroko bigarren saria (25.000 euro dezimoko) dira. Aurten, gainera, sari berezi bat banatuko da, dezimo bakar bati 40 milioi euro emango dizkiona.

Lehenik, bi eta hiru zifrako amaierak aterako dira; gero, hirugarren saria, ondoren, bigarrena, eta jarraian, lehenengoa. Azkenik, sari berezia eta bi reintegroak.

EAE, lehen saririk gabe 2002tik

29 aldiz jaso du Euskadik Erregeetako loteriaren lehen saria. Azkenengoz, 2002an Bilbon tokatu zen, Bizkaiko hiriburua izanik euskal hiribururik zorionekoena. Aurten, batez beste, 19,79 euro gastatu dira biztanleko EAEn. Hala ere, pasatu den urtetik, salmentak % 15,54 erori dira Euskadin.

Bizkaia izan da lehen saria gehienetan jaso duen euskal probintzia: zozketa 1941an lehenengoz egin zenetik, hamasei aldiz egin dio zorteak irribarre Bizkaiari. Esaterako, Getxon hiru aldiz erori da, eta Barakaldon, behin.

Gipuzkoan, zortzi aldiz egokitu da lehen saria: sei aldiz Donostian, behin Azkoitian eta beste behin Oñatin.

Araban, aldiz, behin baino ez da tokatu sari potoloa: 1987an, Gasteizen.