Pirateria zigortzeko isunak 300.000 euro artekoak izango dira

Ministroen Kontseiluak Jabetza Intelektualaren Legearen egitasmoa onartuko du gaur. Erreforma horrekin Interneten pirateriari aurre egiteko tresnak indartuko ditu, eta autore-eskubideak kudeatzeko gardentasun gehiago emango die entitateei.

Autore-eskubideen kudeaketa entitateak, pirateriaren aurka borroka egiteko prozedurak, informazioaren gizarteak izandako garapena kontuan hartuta kopia pribatuaren berrikusketa mugatua, eta 2011 Zuzentarauaren transposizioa jorratuko ditu Lege berriak.

Interneten autore-eskubideen babesa areagotzeko zigorrak gogortuko dituzte erreforma horrekin, 30.000-300.000 euro bitarteko isunak ezarriz. Horrela, autore-eskubideak urratzen dituzten atarien aurka egiteko gaitasun handiago izango dute erakundeek.

Prozedura Zibileko Legearen aldaketarekin informazioa ematen duen euskarriaren arduraduna identifikatu ahal izango dute, "babestutako edukiak zabaltzen ari denean ".

Gobernuak autore-eskubideak urratzen dituzten pertsonak "jazartzeko filosofia" duela azpimarratu zuen bere egunean Wert ministroak