Bizilagun batzuk etxetik irtenarazi dituzte Bilbon, sua piztu ostean

Bilbon hainbat solairu dituen eraikin bat hustu behar izan dute goizaldean, bertan piztu den sute baten ondorioz. Auzoko guztiak etxetik irtenarazi dituzte, eta ez da inor zauritu, Eusko Jaurlaritzako Segurtasun Sailak jakitera eman duenez.

Horren arabera, sutea Leon de Uruñuela kaleko eraikin multzo batean izan da. 01:20 aldera, sugarrak piztu dira eraikin multzo baten barruko patioan zegoen aldamioan, eta ke-laino handia sortu da; ondorioz, auzoko guztiak etxetik atera behar izan dituzte.

Bizilagunak 02:00ak aldera itzuli dira etxera, suhiltzaileek sua amatatu ondoren.