Gizartea -
Ormaiztegin, Gipuzkoan
Gizon bat atxilotu dute nerabe batzuei genitalak erakusteagatik
16 eta 17 urteko zenbait nerabek Ertzaintzari esan diotenez, gizon bat hurbildu zitzaien eta genitalak erakutsi zizkien, haiei begira zegoela ukitzen zituen bitartean.
Erredakzioa
38 urteko gizonezko bat atxilotu dute Ormaiztegin (Gipuzkoa) adingabe talde bati genitalak erakustea egotzita, kiroldegiko kanpoaldean, Segurtasun Sailak zabaldu duenez.
16 eta 17 urteko zenbait nerabek Ertzaintzari esan diotenez, gizon bat hurbildu zitzaien eta genitalak erakutsi zizkien, haiei begira zegoela ukitzen zituen bitartean.
Handik gutxira, agente batzuek gizona topatu zuen eta, inguru hartan egoteko "zentzuzko azalpenik eman ez zuenez", atxilotu egin zuten, sexu-askatasunaren kontrako delitu bat egotzita.
Gaur, astelehena, Tolosako epaitegiaren esku utzi dute atxilotua.