Gizartea -
'Marsans auzia'
Diaz Ferrani ahozko epaiketa ireki diote, Marsans hustea egotzita
Beste hamar akusatuekin batera 1.100 milioi euro baino gehiagoko erantzukizun zibilagatik fidantza solidarioa ezarri dio.
Erredakzioa
Eloy Velasco Auzitegi Nazionaleko epaileak ahozko epaiketa ireki dio Gerado Diaz Ferran CEOEko presidente ohiari. Beste hamar akusatuekin batera 1.100 milioi euro baino gehiagoko erantzukizun zibilagatik fidantza solidarioa ezarri dio.
Fiskaltzak Diaz Ferranentzat 15 urteko kartzela-zigorra eskatu du. De Cabo eta Ivan Losadarentzat zigor baxuagoak eskatu ditu Fiskaltzak, justiziarekin lan egin zutelako. Diaz Ferranentzat eta beste akusatu batzuentzat 5 milioi euroko isuna ere eskatu du, kapitala zuritzeagatik.
Velascok autoan 1.167.300.000 euroko erantzukizun zibileko fidantza jarri die hamaika akusatuei. Egun bateko epea aurre egin beharko die. Halaber, kautelazko neurriak ezarri ditu bakoitzarentzat.
Horien arten, Diaz Ferranentzat, De Caborentzat eta Ivan Losadarentzat kartzelaldi prebentiboa. 2012ko abendutik kartzelan daude, lehenengoa 5 milioi euroko fidantzapean, eta, beste biak, 3 milioikoan.
