Gizartea -
Emakumeen kontrako indarkeria
Gazte bat atxilotu dute, emaztea gerriko batekin hiltzen saiatzeagatik
Emazteari gerriko batekin lepotik heldu dionean, etxebizitzan eurekin zegoen senide batek esku hartu eta mutila (21 urte) geldiaraztea lortu du.
Erredakzioa
Ertzaintzak 21 urteko mutil bat (aurrekariekin) atxilotu du gaur, larunbata, Arrigorriagan, Abusu auzoan, emaztea gerriko batekin itotzen saiatzeagatik eta bi urtez tratu txarrak egiteagatik.
Segurtasun Sailak biktimaren salaketa aipatuta informatu duenez, gaztea 22:30ak aldera heldu zen etxebizitzara, eta emakumeari aurpegian kolpeak eman hasi zitzaizkion; ondoren, ostikada bat eman zion aurpegian, eta besoa okertu.
Jipoitzen ari zela, agenteen arabera, gizonak emazteari gerriko batekin lepotik heldu dio, itotzeko helburuarekin, eta une horretan senide batek esku hartu eta emakumea hiltzea saihestu du.
Ondoren, ustezko erasotzaileak etxetik alde egin du, baina poliziek inguruan harrapatu dute.
Halaber, Ertzaintzak jakin izan duenez, emakumeak bi urtez pairatu ditu tratu txarrak, erasoak eta mehatxuak, harremana hasi zutenetik, baina beldurragatik ez du salatu.
Emakumea ospitale batean artatu behar izan dute.
