Kutxabankeko kutxazain automatiko bati eraso diote Ugaon

Ezezagun batzuek molotov koktel bat jaurti dute Kutxabankeko kutxazain automatiko baten aurka, Ugaon, Segurtasun Sailak aditzera emandakoaren arabera.

Erasoa 02:15ean izan da, eta suhiltzaileak bertaratu dira sugarrak itzaltzera.

Suaren ondorioz, kutxazainaren pantaila eta teklatua kaltetu dira, eta gainerako elementuak belztuta geratu dira.

Alkateak erasoa salatu du

Ekaitz Mentxaka Ugaoko alkateak erasoa salatu eta EAJk euskal aurrezki kutxekin duen "konpromiso historikoa" berretsi du.

Alkatearen iritsiz, "Euskadik lasaitasuna, egonkortasuna eta konfiantza behar ditu, ekonomia garapenean aurrera egiteko".