Gizartea -
Emakumeen aurkako indarkeria
Gizon bat atxilotu dute Gasteizen bikotekideari eraso egiteagatik
Atxiloketa igandean, 07:30ean, egin zuen Udaltzaingoak Florida kalean. Emakumeak zauriak zituela egiaztatu zuten udaltzainek.
Erredakzioa
54 urteko gizon bat atxilotu dute Gasteizen, bikotekideari kalean eraso egiteagatik. Antza denez, mota horretako erasoak "normalak" zirela onartu zuen gizonezkoak udaltzainen aurrean.
Gizona igandean, 07:30ean, atxilotu zuen Udaltzaingoak Florida kalean. Gizonezko bat emakume bati eraso egiten ari zitzaiola ikusi zuten udaltzainek, Gasteizko Udaltzaingoak gaur agiri batean jakitera eman duenez.
Udaltzainak biktimarengana hurbildu ziren eta zauriak zituela egiaztatu zuten. Bikotekidearen erasoak "normalak" zirela aitortu zuen emakumeak. Dirudienez, atxilotuak informazioa hori baieztatu eta bikotekidea iraindu zuen udaltzainen aurrean.
Poliziek gizona atxilotu eta biktimari osasun zentro batera eramateko aukera eman zioten. Hala ere, emakumeak proposamenari uko egin zion.