250 etorkin hesia gainditzen saiatu dira, eta batek lortu egin du

Saharaz hegoaldeko 250 bat etorkinek Melillako hesia gainditzeko saiakera berri bat egin dute gaur goizean. Poliziak jakitera eman duenez, saiakera 7:30ean hasi dute, auzo txinatar eta aireportuaren arteko gune zabal batean. Etorkin batek hesia gainditu eta Melillan sartzea lortu du.

Saiakera egin dutenetatik zazpik lortu dute hesiaren gainean bi orduz egotea, baina Guardia Zibilak jaistera behartu ditu eta, berehala, Marokoko Poliziari entregatu dizkio. Hesiaren gainean egon diren bitartean, Marokoko Poliziak kolpatu egin ditu, eta Guardia Zibilak hogei bat ibilgailu bidali ditu gune horretara.

Markak hautsi dira

Astelenean Gibraltarreko uretara hirurehunen bat etorkin, eta, atzo, asteartea, berriz, bederatziehun inmigrante atzeman ondoren heldu dira adierazpen hauek. Gainera, asteartean laurogeiren bat etorkinek Melillako hesitik salto egitea lortu zuten. Gaur ere, beste 600 etorkinek saiakera egin dute.

Atzo, Barne-arazoetako Ministerioak Ceuta eta Melillara Poliziaren eta Guardia Zibilaren 475 agente gehiago bidaltzea erabaki zuen, azken egunotan izan den etorkin kopurua handia dela medio.

Gainera, Poliziak behin behineko gune bat prestatu du Algecirasen eta, iritsi berriak diren etorkinak bueltan itzultzen ari dira. Dagoeneko 250 espediente gauzatu ditu Cadizko Gobernuaren Hegoaldeko ordezkaritzak.

Bestalde, Mohamed Hasad Barne Ministro marokoarrak onartu du astelehen eta astearte honetan Espainiako uretara iritsitako etorkin kopuru handia dela eta, irregulartasunak izan direla. 'Disfuntzioak gertatu dira', esan du, eta baieztatu du une oro harremanetan dagoela Jorge Fernandez Diez haren homologo espainiarrarekin.