Adingabe bat zauritu da Zurriolako uretan, itsasontzia iraulita

Adin txikiko pertsona bat zauritu da igande honetan Zurriolako uretan, itsasontzia iraulita, eta Donostiako osasun zentro batera eraman dute.

Eusko Jaurlaritzako Segurtasun Sailak jakinarazi duenez, gertaera 13:30ean gertatu da. Antza denez, itsasontzia irauli den unean sei lagun zeuden barruan: hiru heldu, eta hiru adin txikiko.

Surflariek eta Gurutze Gorriko kideek horietako batzuk erreskatatu dituzte.