Gizartea -
Desagerpena
Gasteizen galdutako 77 urteko gizonaren bila jarraitzen dute
Astelehenaz geroztik ez dute haren berririk. Alzheimerraren lehen sintomak ditu, eta herritarren laguntza eskatu dute hura aurkitzeko.
Erredakzioa
Gasteizko Udaltzaingoak eta Ertzaintzak astelehenean Gasteizen galdutako 77 urteko gizonaren bila jarraitzen dute. Alzheimerraren lehen sintomak ditu, eta astelehenaz geroztik ez dute haren berririk.
Ertzaintzak eta Gasteizko Udaltzaingoak jakinarazi dutenez, gauean etxera itzuli ez zela ikusitakoan eman zieten senideek desagerpenaren berri Udaltzaingoari eta Ertzaintzari.
Ikerketa abiatu dute, eta gizonezkoaren datuak, deskribapena eta argazkia bidali dizkiete kalean patruilatzen aritzen diren udaltzainei eta ertzainei. Dena den, ez dute gizona bilatzeko talderik osatu, ez baitakite nora joan zen.
Bestalde, Udaltzaingoak laguntza eskatu die herritarrei gizona aurkitzeko.
