Esako bizilagunentzako informazio gehiago eskatu du Parlamentuak

Eskualdeko bizilagunei Esako urtegian egiten ari diren lanen inguruko informazio gehiago ematea eskatu die Nafarroako Parlamentuak Foru Exekutiboari eta Gobernu zentralari.

Ebazpena Ezkerrak aurkeztu du. "Lur-eremuaren ezegonkortasun arazoak konpondu eta segurtasuna bermatu arte" obrak gelditzea eskatzen zuen ekimenak, baina testua zati hori atzera bota dute.

Geroa Baik, Bilduk, Aralar-Nabaik eta Ezkerrak ekimenari babesa eman diote Parlamentuko Sustapen Batzordean. UPN abstenitu da eta PPNk aurkako botoa eman du.

"Pitzadura berriak"

"Eskuineko hegalean arrakala gehiago agertu eta gero", proiektuak "dozenaka milioi euro" xahutu ditu "uharka egonkortzeko alferrikako saiakeretan" , mozioak kritikatu duenez. Horregatik, "segurtasuna eta gastu publikoa" argudio bezala hartuta, "informazio faltak" Zangozako bizilagunen artean "zalantzak" sortu dituela erantsi du ebazpenak.

Luis Solano eta Iker Aramendia Aragoi Ibaia eta Esa+Ez plataformetako ordezkariak. Argazkia: EFE

Esa+Ez eta Aragoi Ibaia plataformetako ordezkariak eztabaidan izan dira. Esako eta Zangozako bizilagunek elkarretaratzea egin dute Parlamentuaren aurrean.