EAEAN, kultu-zentroak etxebizitzatan izatea debekatzearen aurka

Euskal Autonomia Erkidegoko Auzitegi Nazionalak bertan behera utzi du, forman akats bat izateagatik, ez zutelako herritzarren parte-hartzea kontuan hartu, Bilboko Udalak onartutako araua, kultu-zentroak etxebizitzetan egitea debekatzeko, gaur, asteartean, zabaldutako ebazpenaren arabera.

Araua iazko iraileko 25ean onartu zuen Udaleko osoko bilkurak, EAJren botoekin, Bilduren eta PSE-EEren kontrako bozekin eta PPren abstentzioari esker.

Horrezkero, EAEko Kontseilu Ebanjelikoak eta Espainiako Batzorde Islamiarrak EAEANn helegite bana aurkeztu zuten.

Ekainean, auzitegiak Espainiako Batzorde Islamiarrak aurkeztutako helegitea ukatu zuen, Bilboko Udaleko arauaren alde eginez.

Halere, areto berak araua indargabetzea erabaki du, ebanjelikoen helegitea kontuan hartuta. Zehatz-mehatz, auzitegiak helegitean azaldutako argudioetako bat aintzat hartu eta araua egin zutenean forman akatsa zegoela ebatzi du.

Hain zuzen ere, epai berriak dioen moduan, Zoru eta Hirigintzako Legeko 108. Artikuluaren arabera, herritarrek eta elkarteek arauan parte hartzeko eskubidea dute, eta “helegitea aurkeztu duten arauan ez da bete, hori dela eta, forman akats bat izan da eta, ondorioz, helegitea aintzat hartu behar da”, eta araua indargabetu.

EAEANk gogorarazi duenez, lehenengo helegitea alde batera utzi eta epai berri honetan arauaren mamiari dagokionez Bilboko Udalaren alde egin du, eta argi utzi du, baina araua indargabetu du forman akats bat izateagatik.

Orain, Udalak, kostuak ordaintzera ere zigortu dute, helegitea aurkez dezake Auzitegi Gorenean.