Gizartea -
Operazioa
Bilboko etxe okupatu bat hustu eta lagun bat atxilotu du Ertzaintzak
Maison 13 etxe okupatua hustu dute eta, atxiloketaz gain, bi pertsona inputatu dituzte.
eitb.eus
Ertzaintzak 10:00etan ekin dio Bilboko Zazpikaleetako Maison 13 etxe okupatua husteari, eta pertsona bat atxilotu eta beste bi inputatu ditu, Segurtasun Sailak baieztatu duenez. Lau solairuko eraikina da, eta Dendarikale kalean dago.
Agenteek hainbat pertsona eraikinetik atera eta identifikatu dituzte. Antza denez, hainbat lagunek bere burua kateatu eta goiko solairuak blokeatu dituzte, ertzainak sar ez zitezen.
Bilboko epaitegi batek aginduta joan da Ertzaintza eraikina hustera.