Korrikalari bat hil da Laudioko lasterketan parte hartzen ari zela

Kantabriako korrikalari bat bihotzekoak jota hil da gaur, igandea, Laudioko Krosaren XXX. Edizioan parte hartzen ari zenean, Ertzaintzatik Efe albiste agentziari jakinarazi diotenez.

Lasterkariak beterano mailako proba utzi behar izan du, ondoezik sentitu eta gero, eta, handik gutxira, zerraldo erori da aldageletara zihoanean.

Hildakoa 54 urteko gizonezkoa da, Kantabriakoa Arredondo herrikoa jatorriz, eta inolako klubetan izena emanda etorri da parte hartzera.

Antolatzaileen esanetan, bertoko zenbati lekukoren testigantzaren arabera, korrikalaria lurrera erortzen ikusi dute eta, orduan, larrialdi zerbitzuak jakinaren gainean jarri dituzte.

Gurutze Gorriko kideak, batetik, eta mediku bat zeraman anbulantzia bateko kideak, bestetik, lasterkaria salbatzen saiatu dira, baina alperrik izan da.

Gorpua Gasteizko Auzitegi Institutu Anatomikora eraman dute.

Ondoren egindako lasterketako batean, minutu bateko isilunea egin dute, hildakoaren omenez.