Gizartea -
Gertakaria
Eskizofrenia duen gazte batek bere gurasoak hil ditu Toledon
Gertaera astearte honetako gauean jazo da, La Guardia udalerrian. Ustezko hiltzaileak arma zuria erabili du.
Erredakzioa
Eskizofrenia duen 29 urteko gazte batek 71 eta 72 urteko bere gurasoak hil ditu, arma zuri bat erabiliz, La Guardia udalerrian, Toledon, Europa Pressi Gaztela-Mantxako 112 Larrialdietarako Zerbitzuko iturriek jakinarazi diotenez. Gertaera astearte honetako 22:56an jazo da.
Guardia Zibila eta ZTG mugikor bat bertaratu dira familia-etxera, gaztearen gurasoen heriotza egiaztatzeko. Gurutze Gorriko arreta psikologikoan aditua den talde berezi bat ere gerturatu da.
Gaztea Villacañaseko Polizia Judizialak atxilotu du eta epailearen esku utzi dute, sumarioaren sekretua ezarri aurretik.
Hau zure interesekoa bada, baliteke beste gai hauek ere izatea