Oinezkoei abiadura muga ezartzea proposatu du DGTk

Estatu Kontseiluak Zirkulazio Araudiaren proposamena berriz aztertzeko eskatu dio Trafiko Zuzendaritza Nagusiari (DGT) onartu ahal izateko, eta “zehaztugabeko” alde asko daudela nabarmendu du. Oinezkoei abiadura mugak ezartzea eta, arauren bat urratuz gero, alkohol eta droga kontrolak egitea dira DGTk egindako proposamen polemikoenak.

Hala, Estatu Kontseiluaren Txostenaren arabera, DGT “bideko erabiltzaileen” definizioaren aurka agertu da erakundea; esaterako, ibilgailuen gidariak edo oinezkoak. Gainera, azken horiei alkohol eta droga kontrolak egitea proposatu dute, istripu baten tartean daudenean edo arauren bat urratzen dutenean.

Kontseiluaren ustean, “onartezina” da, lurralde nazionaletik askatasunez ibiltzeko eskubidearen eta Konstituzioak babestutako intimitatearen kontra egingo lukeelako, “bideetan ibiltzeagatik bakarrik” muga horiek ezarriz gero.

Horren ildotik, Kontseiluaren esanetan, proposatutako neurria onartzekotan, “espainiarrek ezingo lukete jaietan parte hartu, edo ezkontza ez ospakizunetara joan, alkohola kontsumitu ohi delako, alkohol kontrola egiteko arriskuan egingo bailirateke, inguruan, ibilgailuren batek istripuren bat baldin badu”.

Era berean, kodeina, opioa edo antzeko osagaiak dituzten sendagaiak hartu ohi dutenek ere emaitza positiboa izango lukete droga testetan, eta, Kontseiluaren arabera, “soilik medikuaren errezetarekin irten litezke etxetik”.

Gainera, txostenean agertzen denez, “oinez ibiltzen dena oinezkoa da, beraz, ezin liteke gidaria izan, eta, edonola ere, oinez mugitzen dena bere oinkadaren araberako abiaduran mugituko da”.