Gizartea -
Denboralea
Bizkaiko eta Arabako 14 eskola itxi dituzte, elurraren ondorioz
Bizkaian, Durangaldeko, Karrantzako eta Orozkoko ikastetxeak zarratu dituzte. Zigoitiako eta Murgiako (Araba) zentroek ere ezin izan dute eskolarik eman.
Erredakzioa
Elur denboralea Bizkaian eta Araban eragiten ari den zirkulazio arazoak tarteko, bi lurralde horietako 14 eskola itxi behar izan dituzte gaur.
Jesus Fernandez Eusko Jaurlaritzako Hezkuntza, Hizkuntza Politika eta Kultura Saileko Ikastetxeen zuzendariak emandako datuen arabera, Bizkaian 10-12 ikastetxe daude itxita: Durangaldean (Zornotzako Andra Mari Ikastola eta Ermuko eskola bat, besteak beste), Orozkon eta Karrantzan. Araban, Murgiako eta Zigoitiko ikastetxeek ere ezin izan dute eskolarik eman.
Fernandezen hitzetan, eskoletako arduradunek eurek jakinarazi diete neurria gurasoei.
