Gizartea -
Gertaera
Iruñeko Justizia Jauregiko lorategia hondoratu da
Antza denez, azken egunotan pilatutako elurraren ondorioz jazo da. Halaber, gutxienez lau auto kaltetu dira.
Erredakzioa
Iruñeko Justizia Jauregiko lorategietako bat hondoratu da larunbat honetan, azken egunotan Nafarroako hiriburuan pilatutako elurraren ondorioz. Gertaeraren ondorioz, Justizia Jauregiaren azpiko aparkalekua erabat itxi dute.
Antza denez, drainatze-sistema txarraren eraginez, "pisu handia" pilatu da gainazalean eta hondoratzea gertatu da. Gutxienez, lur azpiko aparkalekuan zeuden lau auto kaltetu dira, baina inor ez da zauritu.
Foru Gobernuko iturriek berri eman dutenez, Enrique Maya Iruñeko alkatea, Iruñeko udaltzainak eta suhiltzaileak gertaeraren tokira bertaratu dira.
