Gizartea -
Gipuzkoako Gotzain berria
Munillaren izendapenak Gipuzkoako kristau askoren ondoeza eragin du
Iruditzen zaie jarraitu den prozesuari gardentasuna eta egia falta izan zaizkiola eta engainatua ikusi dute euren burua.
Erredakzioa
Gipuzkoako 200 bat kristauk Jose Ignacio Munilla Donostiako gotzain berriaren izendapena gaitzetsi dute kristau-elkartea kontutan izan ez dela uste baitute, eta beraz, izendapenak kristau-elkartearen kide askorengan ondoeza eta haserrea sortu du.
"kristau Talde" izenpean, guztira 178 lagun izan dira agiria zabaldu dutenak. Datorren urtarrilaren 9an hartuko du kargua Munillak.
Jarraitutako prozesuari gardentasuna eta egia falta izan zaizkiola iruditzen zaie eta izendapena aurrez eta estrategikoki diseinatua zegoela uste dute. "Era mingarrian gutxietsia, engainatua eta adin txikikoa bailitza tratatua sentitzen dugu geure burua", zabaldutako agiriaren arabera.
Gipuzkoako kristauei dei egin diete Gotzain berria erantzukizunez onar dezaten eta Gotzainak "kontra ez, baizik lekuko Elizaren zerbitzura egotea".