Gizartea -
Gertakaria Araban
Hiru pertsona artatu behar izan dituzte sute batean, Amurrion
Sutea lau solairuko eraikin batean gertatu da, Bañuetaibar kalean. Hiru pertsona artatu behar izan dituzte antsietateak jota eta kea arnastuta zeudelako.
Erredakzioa
Hiru pertsona artatu behar izan dituzte sute baten ondorioz Amurrion (Araba), Radio Euskadik jakitera eman duenez.
Sutea lau solairuko eraikin batean gertatu da, Bañuetaibar kalean. Antza denez, sua hirugarren solairuan hasi da.
Suhiltzaileek bertaratu behar izan dute sua itzaltzera, eta osasun-langileek hiru pertsona artatu behar izan dituzte antsietateak jota eta kea arnastuta zeudelako. Hala ere, ez dituzte ospitalera eraman behar izan.
15 pertsona atera behar izan dituzte etxetik, eta horietako bat laugarren solairuan erreskatatu dute.