Gizartea -
Osakidetza
Ebakuntzen data Internet bidez ezagutu ahalko da EAEn
EAEko biztanleek Internet bidez jakin ahal izango dute itxaron-zerrendako zein postutan dauden.
AGENTZIAK | ERREDAKZIOA
Ebakuntza baten zain dauden EAEko biztanleek Internet bidez jakin ahal izango dute itxaron-zerrendako zein postutan dauden eta noiz egingo dieten kirurgia, Jon Darpon Osasun sailburuak SER irrati katean jakinarazi duenez.
Ekimena modu mailakatuan abiatuko dute. Hori horrela, ekainetik ebakuntza larrien datak ezagutu ahalko dira Interneten. Urte amaierarako gainerakoenak eta proba osagarrienak ere kontsultatu ahalko dira.
Bestalde, Darpon "harrituta" agertu da Espainiako Gobernuak atzera egin eta osasun sarbidea eman dielako agiririk ez duten etorkinei.
Dena dela, sailburuak esan du gehien espero duen albistea dela Espainiako Gobernuak botiken koordainketa ezabatzea.
