Gizartea -
Gizon bat sastatu zuten Bilbon
Emakume bat atxilotu dute Abusuko hilketarekin zerikusia duelakoan
Emakumea igandean atxilotu zuten. 59 urteko gizonaren gorpua asteazken gauean topatu zuten Abusu auzoan, indarkeria zantzuekin.
Agentziak | Erredakzioa
Emakume bat atxilotu zuten igandean, Bilbon, 59 urteko gizon baten hilketarekin zerikusia duelakoan, Segurtasun Sailak baieztatu duenez. Biktimaren gorpua joan den asteko asteazken gauean aurkitu zuten Abusu auzoan.
Asteazken horretan, 23:00ak aldera, pertsona batek abisua eman zion Ertzaintzari, ezin zezakeelako senitarteko batekin harremanetan jarri. Ertzaintza bertaratu, eta etxebizitzaren barruan 59 urteko gizonezko baten gorpua topatu zuen, indarkeria zantzuekin.
Ondoren, gorpua Bilboko auzitegiko medikuntza zerbitzura eraman zuten autopsia egiteko. Ertzaintzak ikerketa bat abiatu eta emakume bat atxilotu du gertakariekin zerikusia duelakoan.
