Gizartea -
Iragarpena
Abisu horia Gipuzkoan, Araban eta Nafarroan, zaparrada handiengatik
Abisua 15:00etatik 00:00ak arte izango da. Nafarroako gune batzuetan ere zaparrada handiak izateko arriskua dago, baina, kasu horretan, arrisku-tartea 15:00etatik 18:00etara bitartean izango da.
AGENTZIAK | ERREDAKZIOA
Abisu horia ezarri dute gaurko prezipitazio handiengatik Gipuzkoan eta Araban 15:00etatik 24:00etara. Gipuzkoako eta Arabako zenbait puntutan ordubetean 15 l/m² baino gehiago pila daiteke, bereziki ekialdean. Zaparrada txiki-ertainak eta trumoitsuak botako ditu, zenbait lekutan handiak izan daitezke eta txingorra egin dezake, bereziki ekialdean. Ekaitz-guneetan haize-bolada gogorrak izan daitezke.
Bestalde, Araban muturreko tenperatura oso altuengatik ere abisu horia egongo da. Tenperatura maximoak 35 ºC-ra igo daitezke iragaite-zonan eta 36 ºC-ra Ebro ondoko eskualdean.
Nafarroa
Nafarroari dagokionez, batez ere Erdialdean, Pirinio aldean eta Erribera inguruan ere abisu horia dago indarrean prezipitazio handiengatik, 15:00etatik 18:00etara. Abisu horia alerta laranja izatera pasatuko da Erdialdean 18:00etatik 24:00etara, ekaitzak izateko arriskuagatik.
