Sexu-erasoen aurkako konpromisoa berretsi du EH Bilduk Donostian

Sexu-erasoen kontrako kanpaina aurkeztu du EH Bilduk igande honetan Donostian. Horren harian, "lan politikoaren, sozialaren eta instituzionalaren garapenean, indarkeria-generoarekin lotutako ekintzak salatzeko eta prebenitzeko agente aktiboa" izango dela hitzeman du.

Donostiako Boulevardean izandako ekitaldi horretan, Nekane Perez Nafarroako parlamentaria eta Miren Larrion Gasteizko zinegotzia izan dira bozeramaileak.

Gainera, 20 bat lagunek parte hartu dute, baita Gipuzkoako Foru Aldundiko hainbat kardugun ohik ere, tartean, Ikerne Badiola eta Jon Peli Uriguen ahaldunak, Jon Albizu EH Bilduren batzarkidea, eta Maite Sarasua Aralerreko prokuradore ohia.

Parte-hartzaileek eraso sexisten aurkako kartelak erakutsi dituzte, eta kanpainaren leloa irakur zitekeen kartelak ere ("Goza Gozo Jaiak"). Euskadin eta Nafarroan koalizio abertzaleak abiatutako kanpaina Donostiara heldu da igande honetan, Aste Nagusiaren amaierarekin batera.

Larrionek eta Perezek agiria irakurri dute, euskaraz eta gaztelaniaz, eta adierazi dutenez, "berdintasun-politikekiko konpromisoari eusteko eta hori indartzeko lanean arituko da" EH Bildu, horretarako "berdintasun-politiketarako zuzendutako giza- eta ekonomia-bitartekoak indartuta".

Gainera, "jai- eta sinbolo-erritualetan emakumezkoen parte-hartzea sustatzen duten prozesuak zabaltzearen" alde agertu da koalizioa. "Ezetz, ezetz da, indarkeriarik gabeko jai-eremuak eta bizitzak nahi ditugu", gaineratu dute EH Bilduko kideek.