Gizartea -
Lan-istripua
Zaragozako leherketan desagertutako langilearen gorpua aurkitu dute
Hala, dagoeneko sei dira Pirotecnia Zaragozanan hildakoak. Beste hainbeste dira zaurituak, eta horietako hiru oso larri daude.
AGENTZIAK | ERREDAKZIOA
Atzo Pirotecnia Zaragozanan izan zen leherketaren ondorioz desagertuta zegoen langilearen gorpua aurkitu dute gaur goizaldean, Guardia Zibilak jakitera eman duenez.
Goizaldeko bostak aldera aurkitu dute hilotza, piroteknia enpresatik gertu dagoen baserri batean, aipatu iturrien arabera.
Biktima horrekin, dagoeneko sei dira leherketaren ondorioz hildako langileak, eta beste hainbeste dira zaurituak; horietako hiru larri daude, beste biren egoera ez dute jakinarazi eta beste bat zainketa intentsiboetako unitatean dago.
