Hiru hilabeteko zigorra pistola bat taberna batean ateratzeagatik

Hiru hilabeteko espetxe-zigorra ezarri dio Iruñeko Gai Penaletarako 3. Epaitegiak gizon bati, 2014ko Gabon-gauan, Ben-Hur tabernan pistola bat ateratzeagatik, bere kreditu-txartela errefusatu ondoren.

Akusatua tabernan sartu zen, 2014ko abenduaren 24an, 00:30 aldera, eta trago batzuk hartu zituen. Kreditu-txartel batekin ordaintzen saiatu zen, baina ezinezkoa izan zitzaion.

Zerbitzariak arazoen berri eman eta akusatuak pistola atera zuen. Zigortuak zerbitzariari armarekin apuntatu zion, eta minutu batzuk barra gainean izan ondoren arma gorde zuen. Zerbitzaria akusatuaren beldur zen eta tragoak ez kobratzea erabaki zuen. Horrela, tabernatik ospa egin zuen akusatuak, baina zerbitzariak Poliziari abisua eman zion.

Akusatuak urritasun bat zuen depresioa zela eta. Akusatua bortxa delitu batengatik zigortu dute sententzian, baina buruko arazoen salbueslearekin. Horrela, hiru hilabeteko kartzela-zigorra ezarri diote, baina gaixotasunaren tratamendua Bustintxuri Osasun Zentroan egingo diote urtebetez.